Был шәмбе ағас ултыртабыҙ!

Шулай уҡ был көндө Дөйөм Рәсәй таҙалыҡ өмәһе лә үтәсәк. Уларҙың маҡсаты һәр кемгә аңлашыла – таҙалыҡты тәьмин итеү, ауыл һәм ҡалаларҙа тәртип булдырыу һәм ағастар ултыртыу күләмен арттырыу.

Өмәләр ихата биләмәләрендә лә үтергә тейеш. Унда идара итеүсе ойошмалар ҡатнашырға һәм халыҡты кәрәкле әйберҙәр менән тәьмин итергә һәм ваҡытында йыйылған сүп-сарҙы алып китергә тейеш.

“Йәшел Башҡортостан” акцияһы сиктәрендә иһә, 24 апрелдә 670 биләмәлә 119 мең ағас һәм ҡыуаҡлыҡ ултыртыу күҙаллана. Уларҙың 23 меңе ҙур ағастар, 96 мең ҡыуаҡлыҡтар буласаҡ. Был сараларҙа 149 мең кеше ҡатнашыр тип күҙаллана.

Ойоштороусылар ағас ултыртыуҙа бар республика халҡын ҡатнашырға саҡыра.

https://bash.rbsmi.ru/articles/ekologiya/Bil-sh-mbe-a-as-ultirtabi-767714/