Йәш булыуына ҡарамаҫтан

Ғәбитов Ильяс Азат улы 1993 йылда Родниковка ауылында тыуған. 2017 йылда Ырымбур дәүләт медицина университетын тамамлаған. Аҙаҡ «Инфекцион ауырыуҙар» белгеслеге буйынса клиник ординатура бөткән.

2019 йылдың авгусынан Миәкә район дауаханаһында врач-инфекционист булып эшләй. «Земский доктор» программаһында ҡатнашыусы.

Уны белеүселәрҙең барыһы ла Ильяс Азат улын яҡшы белгес булараҡ билдәләй. Яңы коронавирус инфекцияһы менән көрәш башланғас та ауылдар буйлап йөрөй, шикле кешеләрҙән йорттарында биоматериалдар ала, провизор госпиталдә, инфекцион бүлектә ауырыуҙарҙы дауалай һ.б.

Ильяс Азат улы шулай уҡ район халҡы араһында санитар-аңлатыу эштәре лә алып бара.