30 градус эҫелек ҡасан кәмей

Май айына хас булмаған аномаль эҫелек Башҡортостанда кәмендә бер аҙнаға тотҡарлана.

Синоптиктар әйтеүенсә, ошо ваҡыт өсөн һауа температураһы норманан ете-һигеҙ градусҡа юғары. Киләһе аҙнаның аҙағына термометр бағанаһы +34 градусҡа тиклем күтәрелә.

Яҡынса мәғлүмәттәр буйынса, 23 майҙан һуң һауа температураһы түбәнәйә башлай. Өфөлә термометр бағанаһы көндөҙ +23, төндә +16 градусҡаса төшә. Яуым-төшөм көтөлмәй, ләкин болотло һауа торошо фаразлана.

Уртаса күп йыллыҡ күрһәткестәргә ярашлы, июнь башында Башҡортостанға ямғырҙар килә.

https://www.bashinform.ru/news/1592780-kogda-v-bashkirii-spadet-30-gradusnaya-zhara-/

Читайте нас: