+28 °С
Облачно
Йыр марафоны Сыуаш Республикаһында
“Еңеү көнө” йырын Сыуаш Республикаһының атҡаҙанған мәҙәниәт хеҙмәткәре, халыҡ шағиры Юрий Семендер туған теленә тәржемә иткән.
Видеояҙманы әҙерләүҙә Сыуаш дәүләт филармонияһы артисы Юрий Катков, Сыуаш дәүләт опера һәм балет театры солистары Маргарита Финогентова һәм Иван Николаев, билдәле йырсылар Алексей Московский һәм Ольга Пеганова, “Соловушки” хоры, “Классика” йыр капеллаһы, “Йәшә һәм хәтерлә” патриотик йыр ансамбле ҡатнашҡан.
Ул “Еңеү” мемориал комплексында, Хәрби дан музейында һәм Республика халыҡ ижады үҙәгендә төшөрөлгән. Был эштәр быйыл февраль аҙағынан март башынаса – илдә үҙ-үҙеңде изоляциялау режимы индерелгәнгә тиклем башҡарылған.
Сыуаш Республикаһы Башлығы вазифаһын ваҡытлыса башҡарыусы Олег Николаев: “Был акцияға ихлас күңелдән ҡушылдыҡ. Бөйөк Еңеүгә тос өлөш индергән яҡташтарыбыҙ менән ысын мәғәнәһендә ғорурланабыҙ. Әлеге проект – фиҙакәрлеге, ҡаһарманлығы өсөн ветерандарыбыҙға тағы ла бер тапҡыр рәхмәт белдереү сараһы ул”, – тип билдәләне.
Сыуаш еренән фронтҡа 208 мең кеше китеп, шуның яртыһына тыуған төйәгенә әйләнеп ҡайтырға насип булмай. Еңеү өсөн көрәш тылда ла тынмай. Республика биләмәһенә 28 завод һәм фабрика эвакуациялана. Козловск йорттар төҙөү һәм Шумерлинск ағас эшкәртеү комбинаттары фронт өсөн самолеттар һәм планерҙар эшләү өсөн үҙгәртеп ҡорола. Канаш һәм Алатырь вагон-паровоз ремонтлау заводтарында бер ыңғай артиллерия снарядтары, бронепоездар етештерелә.
Йыр марафонының барышын урындағы телеканалдар, радиостанциялар, матбуғат баҫмалары киң яҡтырта, шулай уҡ яҙмаларҙы социаль селтәрҙәрҙә #песнипобедыПФО #нашденьпобеды хэштегтары аҫтында табырға мөмкин.
